6 जणांविरुद्ध गुन्हा दाखल करण्यात आला आहे यावरून आरोपी करण बुरकुले, शेषराव शेवाळे, शेख साबीर शेख सत्तार, करण मोहिते आणि इतर दोन अल्पवयीन आरोपींविरुद्ध गुन्हा दाखल
परभणी जिल्हा प्रतिनिधी. सध्या कॉलेजला दिवाळीच्या सुट्ट्या लागल्यामुळे मित्र-मैत्रिण शिवारात निवांत झाडाखाली गप्पा मारत बसले होते. अचानक तिथे जण सहा अनोळखी इसम आले. त्यांनी दोघांना नाव-गाव विचारलं, त्यांचे आधार कार्ड तपासले, त्यानंतर त्यापैकी दोघांनी तरुणाला धरुन ठेवलं, तर चौघांनी मिळून तरुणीला दूर नेलं आणि तिघांनी तिच्यावर आळीपाळीने अत्याचार केल्याचा आरोप आहे.
धक्कादायक म्हणजे नराधम एवढ्यावरच थांबले नाहीत, तर त्यांनी अत्याचार करतानाचा व्हिडिओ शूट केला. तोंड उघडल्यास व्हिडिओ प्रसारित करुन बदनामी करण्याची धमकी देत हे सहा जण निघून गेले. परभणी जिल्ह्यातील जिंतूरपासून जवळच असलेल्या भोगाव देवी संस्थान इटोली शिवारात हा प्रकार घडला. तरुणीने जिंतूर पोलीस ठाण्यात या सहा जणांविरुद्ध तक्रार दिली असून त्यापैकी पाच जणांना पकडण्यात पोलिसांना यश आलं आहे.
याविषयी सविस्तर माहिती अशी की, परभणी जिल्ह्यातील जिंतूर शहरात ज्ञानोपासक महाविद्यालयात बीए प्रथम वर्षाचे शिक्षण घेणारी तरुणी आणि तिचा मित्र मारुती खरात हे दोघे जण जिंतूर तालुक्यातील भोगाव देवी येथे भेटण्यासाठी आले होते. भेट झाल्यानंतर दोघे जण भोगाव देवी संस्थान येथील इटोली शिवारात एका झाडाखाली निवांत गप्पा मारत बसले होते.
ही घटना 14 ऑक्टोबर रोजी सकाळी साडेअकराच्या दरम्यानची आहे.दोघेजण गप्पा मारत रमले असताना तेथे अचानक अनोळखी सहा जण आले. त्यांच्या हातामध्ये काट्या देखील होत्या. त्यापैकी एकाने या दोघांना तुमच्याकडे जेवढे पैसे आहेत ते द्या,
असे म्हणत तरुणीच्या हातातील पर्स हिसकावून घेतली, पर्समध्ये तब्बल पाच हजार रुपये होते ते पैसे देखील काढून घेतले. त्यानंतर त्यांनी या दोघांचे आधार कार्ड तपासले.हे सहा जण आरोपी एवढ्यावर थांबले नाहीत. सहापैकी दोघांनी त्या तरुणाला दाबून ठेवले तर दुसऱ्या चौघांनी तरुणीला उचलून त्याच्यापासून थोडे दूर नेले.
त्यानंतर त्या चारपैकी तिघांनी आळीपाळीने तरुणीसोबत अत्याचार केला. तरुण आणि तरुणी जोरजोराने ओरडत होते, आम्हाला सोडा, आम्हाला आमच्या घरी जाऊ द्या, पण त्या नराधमांना यांची दयादेखील आली नाही. केवळ अत्याचारच केला नाही तर त्यांच्यासोबत असलेल्या चौथ्याने आपल्या मोबाईलमध्ये या सर्व प्रकारचे व्हिडिओ चित्रीकरण केले. अत्याचार केल्यानंतर तरुण आणि तरुणीला थेट धमकी दिली,
की तुम्ही कुठे तोंड उघडले तर तुमची बदनामी करू. त्यानंतर ते सहा जण तेथून निघून गेले. घाबरलेले दोघे जण आपल्या घरी परतले पण घरच्यांना हा सर्व प्रकार सांगण्याची त्यांची हिंमत होत नव्हती. शेवटी तरुणीच्या सहनशीलतेचा बांध फुटला आणि तिने आपल्या घरच्यांसोबत थेट जिंतूर पोलीस स्टेशन गाठले. जिंतूर पोलिसांना घडलेला सर्व प्रकार सांगितला. आणि त्यानंतर सहा जणांविरुद्ध गुन्हा दाखल करण्यात आला आहे
यावरून आरोपी करण बुरकुले, शेषराव शेवाळे, शेख साबीर शेख सत्तार, करण मोहिते आणि इतर दोन अल्पवयीन आरोपींविरुद्ध गुन्हा दाखल करण्यात आला आहे. सहापैकी चार आरोपींना पकडण्यात पोलिसांना यश आले असून एक आरोपी अद्याप फरार आहे, तर एक आरोपी अल्पवयीन असल्याचे सांगण्यात येत आहे. एकंदरीतच घडलेल्या प्रकारावरून परभणी जिल्हा हादरला आहे.
