रिक्षामध्ये भीषण अपघात; पाथरी सेलु रोड वरील घटना एक ठार, एक गंभीर
अहमद अन्सारी पाथरी सेलू मार्गावर रेणुका शुगर्स कारखान्याजवळील नखाते पेट्रोल पंपाच्या परिसरात चार पाचच्या दरम्यान एक भीषण अपघात घडला. सेलूकडून पाथरीकडे येणाऱ्या अपे रिक्षा आणि समोरून येणाऱ्या ट्रकची समोरासमोर जोरदार धडक झाली.
या अपघातात अपे रिक्षामधील रमेश रामभाऊ आव्हाड (रा. देवेगाव, ता. पाथरी) यांचा जागीच मृत्यू झाला, तर चालक माणिक बापूराव काळे (रा. देवेगाव, ता. पाथरी) हे गंभीर जखमी झाले.
जखमी अवस्थेत माणिक काळे यांना तातडीने उपचारासाठी परभणी येथील रुग्णालयात हलवण्यात आले आहे. अपघात एवढा जबरदस्त होता की, अपे रिक्षा पूर्णपणे चक्काचूर झाली असून, घटनास्थळी हळहळ व्यक्त होत आहे.
घटनेनंतर पाथरी पोलीस ठाण्याचे कर्मचारी तात्काळ घटनास्थळी दाखल झाले. पाथरी पोलीस निरीक्षक महेश लांडगे यांच्या मार्गदर्शनाखाली पोलीस अंमलदार लोखंडे पुढील तपास करीत असून, अपघाताबाबतची गुन्हा नोंद करण्याचे काम सुरूआहे.
